Atyraý oblysy ákiminiń baspasóz qyzmetinen málim etkendeı, kýrsqa 24 adam qatysqan. Teorııalyq bilim jetildirip, qorytyndy emtıhannan súrinbeı ótken 20 adam resmı túrde gıd-ekskýrsovod atandy.
Jańa sertıfıkat ıegerleriniń biri – Gúljan Hıtý. Buryn psıholog bolyp jumys istegen. «Gıd – qalaǵa kelgen týrısterge nemese jergilikti turǵyndarǵa tarıhı-mádenı nysandardy tanystyryp qana qoımaı, ekskýrsııa barysynda olardyń qaýipsizdigin qamtamasyz etetin maman. Men bul kýrstan kóptegen jańa aqparat alyp, gıd bolýdyń barlyq qyr-syryn meńgerdim», deıdi Gúljan Hıtý.
Onyń pikirinshe, gıdtiń basty mindeti – týrıstermen tez til tabysyp, durys baǵyt berý.
«Aldymen adam psıhologııasyn túsiný qajet. Bul – týrıstermen ońaı baılanys ornatyp, áserli ekskýrsııa uıymdastyrýǵa sep bolady», deıdi Gúljan Hıtý.
